Juče su Sklonište za napuštene životinje posjetili izviđači Odreda Stara Varoš i njihove starješine Vesna Vešović i Katarina Koprivica

Juče su Sklonište za napuštene životinje koje se nalazi na Vrelima ribničkim, posjetili izviđači Odreda Stara Varoš i njihove starješine Vesna Vešović i Katarina Koprivica. Izviđači su kao poklon donijeli određenu količinu hrane za pse, kao i rad koji su sami napravili na temu Skloništa za napuštene pse.

Zaposleni iz JP Čistoća zajedno sa volonterima Društva za zaštitu životinja su sa djecom obišla bokseve i pse koji se trenutno nalaze u Skloništu i odgovarali na pitanja izviđača.

Podsjećamo da svi zainteresovani građani mogu posjetiti četvrtkom od 15 do 18 časova Sklonište za napuštene kućne ljubimce i pružiti novi dom nekom napuštenom psu.